बंदिपूर जंगल सफारीवर पंतप्रधान मोदींची वेगळीच झलक, वाघांची नवीन आकडेवारी जाहीर.........!

PM Modi in Karnataka: देशाचे पंतप्रधान नरेंद्र मोदी (Narendra Modi) आज कर्नाटकातील बांदीपूर आणि मुदुमलाई व्याघ्र प्रकल्पाच्या दौऱ्यावर आहेत. दरम्यान, पीएम मोदी काळी टोपी, खाकी पँट, प्रिंटेड टी-शर्ट आणि काळ्या शूजसह साहसी गॅलेट स्लीव्हलेस जॅकेट घातलेले दिसले. प्रोजेक्ट टायगरला ५० वर्षे पूर्ण झाल्यानिमित्त हा दौरा आयोजित करण्यात आला आहे. पंतप्रधान मोदींनी येथे कॅमेऱ्यातून अनेक छायाचित्रे क्लिक केली आहेत. त्यांनी स्वतःच्या हाताने हत्तीला ऊसही खाऊ घातला. एवढेच नाही तर दुर्बिणीतून दृश्यांचा आनंदही घेतला.

पंतप्रधान मोदींनी बांदीपूर रिझर्व्ह येथे 'फ्रंटलाइन फील्ड स्टाफ'ची भेट घेतली. यानंतर पंतप्रधानांनी संवर्धन कार्यात सहभागी असलेल्या बचत गटांशी संवाद साधला. पंतप्रधान मोदी मुदुमलाई व्याघ्र प्रकल्पाच्या थेप्पाकडू हत्ती कॅम्पलाही भेट दिली. येथेही पंतप्रधान मोदींनी शिबिरातील महावत आणि कवड्यांशी संवाद साधला. पंतप्रधान नरेंद्र मोदींनी बांदीपूर व्याघ्र प्रकल्पाच्या दृश्यांचा आनंद लुटल्याचे काही फोटो शेअर केले आहेत. आजची सकाळ सुंदर बांदीपूर व्याघ्र प्रकल्पात घालवली आणि भारताचे वन्य जीवन, नैसर्गिक सौंदर्य आणि विविधतेचा आनंद घेतला, असे पंतप्रधानांनी ट्विटमध्ये म्हटले आहे. यादरम्यान पंतप्रधान मोदींनी हत्तींच्या छावणीलाही भेट दिली. त्यांनी स्वतःच्या हाताने हत्तीला ऊस खाऊ घातला.

बांदीपूर व्याघ्र प्रकल्प १९७३ मध्ये 'प्रोजेक्ट टायगर' अंतर्गत आणण्यात आले होते. यानंतर, काही लगतचे राखीव वनक्षेत्र ८८०.०२ चौरस किलोमीटरमध्ये पसरलेल्या राखीव क्षेत्रामध्ये समाविष्ट केले गेले. बांदीपूर व्याघ्र प्रकल्पाचे क्षेत्रफळ सध्या ९१२.०४ वर्ग किमी आहे. २०२२ मध्ये देशात वाघांची संख्या ३१६७ होती. गेल्या ४ वर्षात २०० वाघ वाढले आहेत. यापूर्वी २०१८ मध्ये ही संख्या २९६७ होती. यादरम्यान पंतप्रधान मोदींनी सभेला संबोधित केले.

ते म्हणाले की, आपण सर्वजण एका अत्यंत महत्त्वाच्या टप्प्याचे साक्षीदार आहोत. टायगर प्रकल्पाला ५० वर्षे पूर्ण झाली आहेत. ते पुढे म्हणाले की, अनेक दशकांपूर्वी भारतातून चित्ते गायब झाले होते. आम्ही नामिबिया आणि दक्षिण आफ्रिकेतून भव्य चित्ते भारतात आणले. कुनो नॅशनल पार्कमध्ये काही दिवसांपूर्वी ४ सुंदर चित्ते जन्माला आली आहेत. IBCA मध्ये 'मार्जर' प्रजातीचे सात प्राणी आढळणाऱ्या देशांचा समावेश होतो - वाघ, सिंह, बिबट्या, स्नो लेपर्ड, प्यूमा, जग्वार आणि चित्ता. या प्राण्यांच्या संवर्धन आणि संरक्षणावर ही संस्था भर देणार आहे.