Online Game: सरकारने ऑनलाइन गेमिंगसाठी नवीन नियम जारी केले आहेत, अशा अॅप्सवर भारतात लवकरच बंदी घातली जाऊ शकते........!

ऑनलाइन गेमिंगशी संबंधित नवीन नियम गुरुवारी जारी करत सरकारने बेटिंग आणि सट्टेबाजीशी संबंधित कोणत्याही गेमवर बंदी घातली आहे. माहिती तंत्रज्ञान मंत्रालयाने सट्टेबाजी आणि जुगाराच्या जाहिरातींविरूद्ध एक नवीन सल्लागार इशारा जारी केला आहे. या इशाऱ्यामध्ये, मीडियाला सट्टेबाजीच्या प्लॅटफॉर्मचा प्रचार करण्यापासून दूर राहण्याचा सल्ला देण्यात आला आहे. भारतीय कायद्यांचे उल्लंघन करणाऱ्या बेटिंग प्लॅटफॉर्मच्या जाहिरातींवर बंदी घालण्याचा इशारा हि मंत्रालयाने दिला आहे. यासोबतच माहिती तंत्रज्ञान राज्यमंत्री राजीव चंद्रशेखर यांनी सेल्फ-रेग्युलेटरी ऑर्गनायझेशन (SROs) चा मसुदाही जारी केला आहे.

ऑनलाइन गेमिंगसाठी नवीन नियम जारी करताना, इलेक्ट्रॉनिक्स आणि माहिती तंत्रज्ञानाने सांगितले की ऑनलाइन गेमला परवानगी देण्यासाठी निकष निश्चित करण्यासाठी एक नवीन स्वयं-नियामक संस्था असेल. दुसरीकडे, इलेक्ट्रॉनिक्स आणि माहिती तंत्रज्ञान राज्यमंत्री राजीव चंद्रशेखर यांनी सांगितले की, नवीन ऑनलाइन गेमिंग नियमांनुसार बेटिंग किंवा सट्टेबाजीशी संबंधित ऑनलाइन गेमचा विचार केला जाणार नाही.

राज्यमंत्री यांनी सांगितले की, बेटिंग आणि वेजरिंग म्हणजेच ज्या खेळांमध्ये पैसे गुंतवले जातात किंवा कमावले जातात, त्यांच्यावर बंदी घालण्यात आली आहे. ते म्हणाले की ऑनलाइन गेमिंगला परवानगी आहे परंतु त्या गेममध्ये सट्टेबाजीला परवानगी नाही. यामागील मोठी समस्या मनी लाँड्रिंग आहे. चुकीची माहिती रोखण्यासाठी भारत सरकार एक संस्था स्थापन करणार असल्याचे केंद्रीय मंत्र्यांनी सांगितले. यामध्ये कंपनीला तो कंटेंट काढून टाकावा लागेल जो चुकीचा असेल किंवा ज्यामुळे धोका निर्माण होण्याची शक्यता आहे. जर कंपनीने सट्टेबाजी बद्दलचा कंटेंट काढून टाकला नाही, तर कंपनीचा दर्जा रद्द करून त्यांच्यावर भारतीय कायद्यानुसार कारवाई केली जाईल. चंद्रशेखर यांनी येथे पत्रकारांना सांगितले की ऑनलाइन गेमिंग क्रियाकलापांशी संबंधित अनेक एसआरओ तयार केले जातील ज्यात सर्व भागधारकांच्या प्रतिनिधींचा समावेश असेल. ते पुढे म्हणाले कि, “आम्ही एक फ्रेमवर्क तयार करत आहोत जे SRO द्वारे कोणत्या ऑनलाइन गेमला परवानगी दिली जाऊ शकते हे ठरवेल.

ऑनलाइन गेमला मान्यता देण्याचा निर्णय या गेममध्ये कोणत्याही प्रकारे बेटिंग किंवा सट्टेबाजीचा समावेश नाही हे लक्षात घेऊन घेण्यात येईल. ऑनलाइन गेमवर बेट लावले जात असल्याचे SRO ला आढळल्यास, तो त्यास मान्यता देणार नाही.