पनीर बिर्याणी मसाला साहित्य

• तेल 2 टेबलस्पून
• 1 काळी वेलची
• बेलीफ 2 नग
• जिरे 2 टीस्पून
• दालचिनी 2"इंच
• वेलची 6-7 नग
• कांदा चिरलेला - अडीच कप
• हळद - 1 टीस्पून
• मिरची पावडर - 1 टीस्पून
• धने पावडर - 2 चमचे
• लसूण पेस्ट - 2 चमचे
• आले पेस्ट - 1 टीस्पून
• दही - ½ कप
• टोमॅटो प्युरी (ताजी) - 1 कप
• हिरवी मिरची - 2 नग
• मीठ - चवीनुसार
• कसुरी मेथी 2 टीस्पून

पनीर बिर्याणी मसाला कृती

• एक खोलगट नॉनस्टिक कढई घ्या. त्यात 2 टेबलस्पून तेल घाला. वेलची, तेजपत्ता, जिरे, दालचिनी, कांदा मध्यम आचेवर परतवून घ्या.
• कांदा परतेपर्यंत पनीरला मध्यम आकाराचे तुकडे करून घ्या.
• तुकड्यावर मीठ, थोडीशी हळद, लाल तिखट स्प्रिंकल करा.
• कढईत कांदा परतत असताना हळद, लाल तिखट, धने पावडर, आले लसूण पेस्ट प्रमाणानुसार टाका.
• दोन चमचे दही घाला.
• टोमॅटो पुरी, हिरवी मिरची, कसुरी मेथी, चवीनुसार मीठ, केवरा पाणी 2 चमचे, गुलाबजल 2 चमचे घाला आणि. सगळा मसाला चांगला भाजून घ्या.
• एका पॅन मध्ये 1 चमचा तेल गरम करा आणि पनीरचे तुकडे शॅलोफ्राय करून घ्या. पनीर जास्त गरम करू नका.
• बिर्याणी भातासाठी बासमती तांदूळ 2 कप घ्या.
• ते अर्धातास पाण्यात भिजवून ठेवा. अर्धातास भिजल्या नंतर एका मोठ्या पातेल्यात 4 कप पाणी कडक गरम करा त्यात मीठ 3 टीस्पून, हिरव्या मिरच्या 2 नग, बेलीफ 1, वेलची 4-5 नग टाकून पाणी कडक उकळवून घ्या.
• भात 50 टक्के शिजवून घ्या. मोकळा भात बाजूला काढा.
• पनीर बिर्याणी असेंबलिंगसाठी एका मोठ्या भांड्याच्या तळाशी तयार केलेला बिर्याणी मसाला घाला.
• त्यावर पनीर चे तुकडे, गरम मसाला ½ टीस्पून, कोथिंबीर चिरलेली, मूठभर पुदिन्याची पाने, त्यावर अर्धा शिजवलेला भात, तूप 2 चमचे, थोडंसं भात शिजवलेलं अर्धा कप पाणी त्यात ओता, भांड्याच्या बाजूने पीठ लावून भांडं सील करा.
• पहिली दोन मिनिटे मोठ्या आचेवर, दुसरी १० मिनिटे दम वर शिजवा आणि पुढील १० मिनिटे गॅस बंद करून तसेच ठेवा. चविष्ट पनीर बिर्याणी खाण्यासाठी सज्ज.