Photo: महिला विश्वचषक टी-२० संघाची कर्णधार हरमनप्रीत कौर यांच्या कुटुंबासह काही सुंदर फोटो......!

हरमनप्रीत कौर ही एक प्रसिद्ध भारतीय महिला क्रिकेटपटू आहे. जिने क्रिकेटच्या मैदानावरील तिच्या उल्लेखनीय कामगिरीसाठी जगभरात ओळख मिळवली आहे. कौर यांचा जन्म ८ मार्च १९८९ रोजी पंजाबमधील मोगा येथे व्हॉलीबॉल आणि बास्केटबॉल खेळाडू हरमंदर सिंग भुल्लर आणि सतविंदर कौर यांच्या घरी झाला.

कौरने मोगा येथील निवासस्थानापासून ३० किलोमीटर दूर असलेल्या ग्यान ज्योती स्कूल अकादमीमधून क्रिकेटचे प्रशिक्षण घेतले आहे. तिने कमलदीश सिंग सोधी यांच्या हाताखाली प्रशिक्षण घेतले. हरमन तिच्या कारकिर्दीच्या सुरुवातीच्या दिवसांमध्ये पुरुषांसोबत खेळत असे. २०१४ मध्ये ती मुंबईत राहायला गेली तेव्हां तिने भारतीय रेल्वेसाठी काम करायला सुरुवात केली.

हरमनप्रीतला लहानपणापासूनच क्रिकेटची आवड होती. मेहनत, समर्पण आणि चिकाटीमुळे तिने क्रिकेटच्या जगात स्वतःचे नाव कमावले आहे. हरमनप्रीतच्या कामगिरीचे जगभरातील क्रिकेट तज्ज्ञ आणि चाहत्यांनी कौतुक केले आणि तिची आक्रमक फलंदाजी शैलीसाठी महान भारतीय क्रिकेटपटू वीरेंद्र सेहवागशीही केली.

हरमनप्रीतचे यश केवळ क्रिकेटच्या मैदानापुरते मर्यादित राहिलेले नाही. तिला अर्जुन पुरस्कार, पद्मश्री आणि प्रतिष्ठित विस्डेन इंडिया महिला क्रिकेटर ऑफ द इयर पुरस्कारासह अनेक पुरस्कारांनी सन्मानित करण्यात आले आहे. क्रिकेटपटू बनण्याची आकांक्षा बाळगणाऱ्या भारतातील तरुण मुलींसाठीही ती एक आदर्श आहे.

नोव्हेंबर २०१८ मध्ये, महिलांच्या ट्वेंटी२० आंतरराष्ट्रीय सामन्यात शतक झळकावणारी ती भारताची पहिली महिला खेळाडू ठरली. ऑक्टोबर २०१९ मध्ये, दक्षिण आफ्रिकेविरुद्धच्या मालिकेदरम्यान,१०० आंतरराष्ट्रीय ट्वेंटी२० सामने खेळणारी ती भारताची पहिली महिला क्रिकेटपटू ठरली.

हरमनप्रीत ने वयाच्या २० व्या वर्षी ब्रॅडमन ओव्हल, बोरल येथे खेळल्या गेलेल्या २००९ महिला क्रिकेट विश्वचषकात कट्टर-प्रतिस्पर्धी पाकिस्तान महिला संघाविरुद्ध एकदिवसीय क्रिकेटमध्ये पदार्पण केले. जून २००९ मध्ये, तिने महिला विश्व ट्वेंटी२० मध्ये इंग्लंडच्या महिला संघाविरुद्ध काउंटी ग्राउंड, टॉंटन येथे ट्वेंटी२० आंतरराष्ट्रीय पदार्पण केले. या सामन्यात तिने ७ चेंडूत ८ धावा केल्या होत्या. २०१० मध्ये मुंबईत खेळल्या गेलेल्या टी२० सामन्यात तिने इंग्लंडच्या महिला संघाविरुद्ध ३३ धावांची क्विक-फायर इनिंग खेळली होती.

कर्णधार मिताली राज आणि उपकर्णधार झुलन गोस्वामी दुखापतींमुळे बाहेर पडल्यामुळे २०१२ च्या महिला ट्वेंटी२० आशिया चषक अंतिम सामन्यासाठी तिला भारतीय महिला कर्णधार म्हणून नियुक्त करण्यात आले. तिने पाकिस्तानच्या महिला संघाविरुद्ध कर्णधार म्हणून पदार्पण केले आणि हा अंतिम सामना भारताने ८१ धावांच्या फरकाने जिंकला.

हरमन ही मिताली राज नंतर ICC महिला एकदिवसीय खेळाडूंच्या क्रमवारीत टॉप-१० मध्ये स्थान मिळवणारी दुसरी भारतीय फलंदाज आहे. हरमनप्रीत कौरला फेब्रुवारी २०२३ मध्ये, WPL लिलावात, तिला मुंबई इंडियन्सने ₹१.८० कोटींना विकत घेतले.