AI वैयक्तिक आयुष्याला आग लावू शकते, इंटरनेटवर डीपफेक पॉर्नचा पूर; किती मोठा धोका आहे ते जाणून घ्या....!

सध्या जगभरात 'आर्टिफिशियल इंटेलिजन्स'ची चर्चा सुरू आहे. या तंत्रज्ञानाच्या मदतीने अशा अनेक गोष्टी शक्य होत आहेत, ज्याचा लोकांनी कधी विचारही केला नसेल. मात्र प्रत्येक नाण्याला दोन बाजू असतात. आर्टिफिशियल इंटेलिजन्सने आधीच टेन्शन द्यायला सुरुवात केली आहे. त्याचा गैरवापर होऊ नये, नाही तर लोकांचे वैयक्तिक आयुष्य अनेक समस्यांनी घेरले जाईल. परिस्थिती अशी आहे की, पॉर्नोग्राफीमध्येही या तंत्रज्ञानाचा गैरवापर होण्याची शक्यता वाढली आहे.

डीपफेक व्हिडिओ काय आहे.......

डीपफेक व्हिडिओ हे डिजिटल पद्धतीने तयार केलेले व्हिडिओ आहेत. कृत्रिम बुद्धिमत्तेच्या मदतीने यामध्ये बदल केले जातात. अनेक वर्षांपासून असे व्हिडिओ बनवले जात आहेत आणि ते इंटरनेटवर बिनदिक्कतपणे प्रसारित केले जात आहेत. अनेक वर्षांपूर्वी एका रेडिट वापरकर्त्याने काही पॉर्न क्लिप शेअर केल्या होत्या, ज्यात एखाद्या सेलिब्रिटीचा चेहरा खांद्याच्या वर बसवला होता. वास्तविक कलाकारांच्या खांद्याच्या वरचा चेहरा आर्टिफिशियल इंटेलिजन्सच्या मदतीने बदलला जातो. कधी कधी ते सत्य वाटतं. या प्रकारचे तंत्रज्ञान प्रत्येकासाठी आणि विशेषतः महिलांसाठी एक मोठी समस्या बनू शकते. वापरकर्त्यांना आकर्षित करण्यासाठी असे व्हिडिओ बनवतात. यात पत्रकार, नेते, अभिनेते यांचे चेहरेही वापरले जातात. इंटरनेटवर असे हजारो व्हिडिओ आहेत. असे काही व्हिडिओ आहेत जे वापरकर्त्याला स्वतःचा चेहरा लावण्याचा पर्याय देखील देतात. पूर्वीच्या जोडीदाराला त्रास देण्यासाठी, त्याची प्रतिमा खराब करण्यासाठीही हे तंत्र वापरले जात आहे.

तज्ज्ञांचे म्हणणे आहे की, आजकाल डीपफेक बनवणे खूप सोपे झाले आहे. सत्य हे आहे की तंत्रज्ञान पुढे जात राहील आणि त्याबरोबर अशा गोष्टीही पुढे जातील. ऑनलाइन लैंगिक हिंसा, डीपफेक पॉर्न, डीपफेक पॉर्न इमेजेसच्या माध्यमातूनही लोकांचा छळ होऊ लागला आहे. ऑस्ट्रेलियातील तज्ञ नोएला मार्टिन सांगतात की, जेव्हा एका २८ वर्षीय महिलेने गुगलवर तिचा फोटो शोधण्याचा प्रयत्न केला तेव्हा तिला डीपफेक पॉर्न व्हिडिओ आणि फोटो दिसून आल्या. हा व्हिडीओ कोणी बनवला हे देखील तिला माहीत नसल्याचे मार्टिनने सांगितले. यानंतर त्यांनी अनेक वेबसाइटशी संपर्क साधून व्हिडिओ काढण्याचा प्रयत्न केला. अनेक ठिकानी संपर्क होऊ शकला नाही. ती व्हिडिओ डिलीट करायची आणि तो व्हिडिओ काही दिवसांनी पुन्हा दिसायचा. यानंतर मुलीने न्यायालयात धाव घेतली.